Sunday, March 15, 2015

கலைச்சொல் தெளிவோம்! 105. கீறல் வெருளி 106. குருதி வெருளி107. கூட்ட வெருளி 108. கோழி வெருளி

கலைச்சொல்  105.கீறல் வெருளி-Amychophobia
பொதியில் முனிவன் புரை வரைக் கீறி (பரிபாடல் : 11.11) என வருகிறது. கீறு>கீறல்+வெருளி
கீறல் வெருளி-Amychophobia
கலைச்சொல்  106. குருதி வெருளி-Hemophobia/Hematophobia
குருதி என்னும் சொல்லை 66 இடங்களிலும், குருதித்து(1), குருதிய(1) ஆகியசொற்களையும் சங்கப்புலவர்கள் கையாண்டுள்ளனர்.
குருதியைக் கண்டால் ஏற்படும் இயல்பு மீறிய பேரச்சம் ஆகிய
குருதி வெருளி-Hemophobia/Hematophobia

கலைச்சொல்  107. கூட்ட வெருளி-Ochlophobia/Demophobia/Enochlophobia
ஞாயிறு பட்ட அகன்று வரு கூட்டத்து (பதிற்றுப்பத்து : 72.12)
மாற்று அருந் தெய்வத்துக் கூட்டம் முன்னிய (பதிற்றுப்பத்து : 88.24)
பல் மீன் கூட்டம் என்னையர்க் காட்டிய, (அகநானூறு : 240.6)
கூட்டத்தைக் கண்டு ஏற்படும் இயல்பு மீறிய பேரச்சம் ஆகிய(கூட்ட(ம்) +வெருளி)
கூட்ட வெருளி-Ochlophobia/Demophobia/Enochlophobia
கலைச்சொல்  108. கோழி வெருளி-Alektorophobia
 கோழி ஓங்கிய வென்று அடு விறல் கொடி (திருமுருகு ஆற்றுப்படை :திருமுருகு ஆற்றுப்படை : 38)
கானக் கோழி கதிர் குத்த,   
மனைக் கோழி தினைக் கவர; (பொருநர் ஆற்றுப்படை : 222-223)
கோழி சேக்கும் கூடுடைப் புதவின் (பெரும்பாண் ஆற்றுப்படை : 53)
கோழி எறிந்த கொடுங் கால் கனங் குழை (பட்டினப் பாலை : 23)
மனை உறை கோழி குறுங் கால் பேடை, (குறுந்தொகை : 139:1)
இவ்வாறு, சங்க இலக்கியங்களில் கோழி 19 இடங்களில் பயன்படுத்தப்பட்டுள்ளது.
கோழியை பார்ததால் ஏற்படும் தேவையற்ற பேரச்சம்:
கோழி வெருளி-Alektorophobia


No comments:

Post a Comment

Followers

Blog Archive